به‌رپرسێ دوسیه‌یا گۆرێن ب كۆم ل شنگال دیاركر هه‌كه‌ دادگه‌ها لاهاى هزار دیكومینت و به‌لگه‌نامه‌ بڤین هیشتا مه‌ دوو سه‌د هزار كۆم نه‌كرینه‌ وهیشتا گه‌له‌ك مایه‌ هه‌تا دوسیه‌یا جینوساید ناساندنا كاره‌ساتا شنگال ل دادگه‌ها لاهاى بهێته‌ وه‌رگرتن و رێڤه‌برن هه‌كه‌ ل سه‌ر ڤى ده‌ستوداریى بیت دێ گه‌له‌ك ڤه‌كێشت وگیروبیت چونكو به‌غدا نه‌یا هه‌ڤكارا بۆ رێڤه‌برنا دوسیه‌یا ئێزدیان.



حسێن قاسم حه‌سون، به‌رپرسێ دوسیه‌یا گۆرێن ب كۆم ل شنگالدیاركر: " ئه‌ز هه‌و ته‌حمویلى دكه‌ن پێدڤیه‌ ئه‌ز وژدانا خوه‌ ئارام بكه‌ن به‌رامبه‌ر حكومه‌تا هه‌رێما كوردستانێ و كوردێن ئێزدى جه‌نابى نیچیرڤان بارزانى سه‌رۆكى حكومه‌تا هه‌رێما كوردستانێ ل رۆژا 17/8/2014 بریار پێك ئێنانا لیژنه‌كا تایبه‌ت دا و میكانزم ژێ هاته‌ دانان وراسپارد وپلان ژى هاته‌ دانان مخابن لیژنا بلندا جینوسایدى ئه‌و میكانزم بكارنه‌ئینا گه‌له‌ك شاشین قانوونێ تێدانه‌ هه‌تا نوكه‌ لیژنا بلندا جینوسایدى دروستاهى كارى خوه‌ رانه‌بوویه‌ ل سه‌ر ئاسته‌كێ بلند لیژنا جینوسایدى هاتیه‌ پێك ئێنان لێ وێ ئاستى كارناكه‌ت".



گۆتژی: " دوسیه‌یا جینوسایده‌ ئێزدیان ل شنگال یێ مریه‌ و بزاڤ تێدا نێنه‌ لیژنا بالا یا جینوسایده‌ چوو نوونه‌ر نه‌بوون ژ ده‌رڤه‌ى وه‌لاتى نوونه‌راتیا دوسیه‌یا جینوسایدى بكه‌ت بتنى جاره‌كێ لیژنا بلند جینوسایدى قه‌ستا ژ ده‌رڤه‌ى وه‌لاتى كریه‌ ئه‌ڤه‌ سێ سالن دشین بیژم لیژنا بلند فه‌شل ئێنا دوسیه‌یا كۆمكرنا به‌لگه‌نامه‌یان وخروقات تێدا هه‌نه‌ وفه‌ساد تێدا هه‌یه‌ وشبوهاتێن فاسادى تێدانه‌".



خۆیا ژى كر: " ئه‌ڤ سێ سال ته‌مام بوون ل سه‌ر كاره‌ساتا شنگال هه‌تا نوكه‌ گۆرین بكۆم وهه‌ستێن كوشتیان نه‌هاتێنه‌ راكرن ولیژنا بلند جینوسایدى ژى ڤى وارى دا ژى دروستاهى كار نه‌كریه‌ ورێزگرتن ل هه‌ستیان نه‌هاته‌ گرتن و لیژنا بالا جینوسایدى فه‌شل دسه‌ره‌دریا گۆرین بكۆمدا ئێنایه‌ و دو یان سێ گۆرێن ب كۆم هاتنه‌ سووتن ژبه‌ر خه‌مسارى و نه‌پووته‌دانى ب گۆرێن بكۆم یا ژ هه‌موویان گرنگتر ل هه‌یڤا دوو ساله‌ 2015ێ گۆرێن بكۆم ل شنگال هاتنه‌ ڤه‌كرن و 67 روڤات هاتنه‌ ده‌رئێخستن ئه‌و هه‌ستێك هاتنه‌ بن ئاخكرن لێ كه‌سه‌ك پسیار ژ خوه‌ نه‌كر كا ئایا پیرابوون دقانوونى نه‌ یان نه‌ ب ڤێ ره‌نگى گۆرین بكۆم بهێنه‌ ڤه‌كرن ئه‌و پیرابوونێن نه‌ قانوونى بوون ودانپێدانا قانوونى ژى پێ ناهێته‌ كرن ".



حسێن قاسم حه‌سون، خۆیا ژى كر: " ئه‌م نه‌شین وى دوسیه‌یى ره‌وانه‌ى دادگه‌ها لاهاى بكه‌ن به‌لكو ئه‌م نه‌شین دوسیه‌یا وان گۆرین بكۆم ره‌وانه‌ى چایخانه‌كا لاهاى ژى بكه‌ن هه‌تا نوكه‌ دوسیه‌یا جینوسایده‌ ئێزدیان بۆ دادگه‌ها لاهاى نه‌هاتیه‌ ره‌وانه‌كرن چونكو وه‌رناگرت هه‌تا میكانزمه‌كا قانوونى نه‌هێته‌ دیتن وهیشتا چوو میكانزمێن قانوونى نه‌هاتینه‌ دیتن بۆ وه‌رگرتنا دوسیه‌یا ئێزدیان ل لاهاى یان دڤیت به‌غدا ببیته‌ ئه‌ندام یان ژى سه‌رۆكێ حكومه‌تا عێراقى رازى بیت دادگه‌ها لاهاى بهیت شنگال كار بكه‌ت ئه‌ڤه‌ ژێ هیشتا نه‌هاتیه‌ كرن".



ئاماژه‌ دا وى یه‌كى ژى كو:" زووترین وه‌خت دێ گۆرین ب كۆم هێنه‌ ڤه‌كرن مه‌ بریار یا دایى بهێنه‌ ڤه‌كرن هه‌تا نوكه‌ 38 گۆرین بكۆم یێن هاتینه‌ دیتن دناڤدا ژى پیشبینى دهێته‌ كرن هژماره‌كا زۆر وه‌لاتین سڤیل تێدا هاتبنه‌ كوشتن و بن ئاخكرن نوكه‌ ئه‌م نه‌شین قه‌ستا وان ده‌ڤه‌ران بكه‌ن یێن بن ده‌ستهه‌لاتا حه‌شدا شه‌عبى دا چونكو ئه‌و رى ناده‌ن كار ل سه‌ر گۆرێن بكۆم ل كوچو و سیبا شێخدر و گرعزیر بهێته‌ كرن جارى نوكه‌ دى گۆرین بكۆم ل شنگال هێنه‌ ڤه‌كرن دیكومبینتكرن بۆ جینوسایدى".

bas news-