بەرپرسێ دۆسیەیا گۆرێن ب كۆم: ل نێزیك دێ گۆرێن ب كۆم ل شنگال هێنە ڤەكرن
حسێن قاسم حەسون، بەرپرسێ دۆسیەیا گۆرێن ب كۆم ل شنگال دیاركر:" هەتا نۆكە لێژنا بلندا جینۆسایدێ ل هەرێما كوردستانێ دووڤ میكانزم وئالیەتا سەرۆكێ هەرێما كوردستانێ و سەرۆكێ حكومەتا هەرێما كوردستانێ كار نەكریە. ئەم داخوازێ دكەین لێژنه ب رژدی كارێ خوە ئەنجام بدەت، چونكو ئەڤە سێ سال ب سەر كارەساتا شنگال را چوون وهێشتا دۆسیەیا جینۆساید ناساندنا كارەساتا وەكو خوە مایە".
خۆیا ژی كر:" ئەو گۆرێن ب كۆم یێن بەری نۆكە ژی هاتینە ڤەكرن وتێدا پتر ژ 60 روفاتێن كوردێن ئێزدی هاتینە دەرخستن ب شیوەیەكێ نە قانوونی كار تێدا یێ هاتیە كرن رەنگە جارەكا دی ئەو روفات بهێتە دەرخستن بۆ كاركرنێ ل سەر بۆ جینۆسایدی".
باسنیوز
