کۆمەلەیا (گەنجێن نەتەوەیی یێن کوردستانێ)، د بەیاننامەکێ دا پالپشتیا خۆ بۆ ریفراندۆما باشووری کوردستانێ دیاردکەن و، ددەنە دیارکرن کو باشوورێ کوردستانێ دێ بیتە مودێلەکە سەرکەفتی یا سیاسی ژ بۆ سەرانسەری کوردستانێ.


د بەیانناما گەنجێن نەتەوەیی یێن کوردستانی ل باکوری کوردستانێ کو وێنەیەک بۆ ماڵپەرێ فەرمێی یێ پارتی دیموکراتی کوردستان هنارتیە تێدا هاتیە دیارکرن، ریفراندوما سەرخوەبوونا باشووری کوردستانێ خەونەکە ١٠٠ساڵەیا گەلێ کوردە، ئەم وەک گەنجێن نەتەوەیێن کوردستانێ پشتیگریا ڤێ پرۆسەسێ دکەین، و چ پشتگیری ژ دەست مە بهێت ئەم دێ ب تەمامیا ھێزا خوە ل پشت ڤێ پرۆسەسێ بن، ژ بۆ مە ئەرکەکی پیرۆزە و جیھێ شانازیێیە.


د(٧-٦-٢٠١٧)ـێ دا د کۆمبوونەکا بەرفرە‌هــ یا لایەنێن سیاسی یێن کوردستانی دا ب سەرپەرشتیا (مەسعود بارزانی) سەرۆکێ هەرێما کوردستانی و (کۆسرەت رەسول عەلی)، جێگرێ سەرۆکێ هەرێما کوردستانێ ل گەل لایەنێن سیاسی یێن کو بەشدار د حکومەت و پەرلەمانی دا کۆمبوو، و بریار هاتە دان(٢٥-٩-٢٠١٧)ـێ ریفراندۆم بۆ سەربەخۆییا باشووری کوردستانێ بهێتە ئەنجامدان.


د بەشەکی دی یێ بەیاننامێ دا هاتیە، ژ بۆ پشتگیریا ریفراندۆما باشوورێ کوردستانێ ئەم پرۆگرامەکێ ئامادە دکەین ژ بۆ چالاکیێن پشتگیریا ریفراندۆمێ ل باکوورێ کوردستانێ، ئەم د وێ باوەریێ دانە کو ریفراندۆما باشوورێ کوردستانێ رووپەلەکە تازە ڤەدکەت ل سەرانسەری کوردستانێ.
د بەیاننامێ دا ئەو چەندە ژی هاتیە، کو ریفراندۆما سەرخۆبوونێ د دبیتە میناکەکە گەلەکی ھێژا ژ بۆ پارچێن دی یێن کوردستانێ ژی . 16% ژ خاکا کوردستانا مەزن بەر ب سەرخوەبوونێ ڤە دچیت، ئەڤ پرۆسەسە دێ ب سەرکەفتی دەرباس بیت ،باشوورێ کوردستانێ دێ بیتە مۆدێلەکە سەرکەفتییا سیاسی ژ بۆ سەرانسەری کوردستانێ.
د داوییا بەیاننامێ ژی دا ئاماژە ب وێ چەندێ ژی کریە، پرۆسەسا ریفراندوما کوردستانێ دێ رێکێ ل بەر ماف و ئازادییا پارچێن کوردستانی ێین دی ژی ڤەکەت، وەکە میناک پارچەیەکا بچوکا کوردستانێ بەرەڤ ب سەرخوەبوونێ دچیت، و نە ڕامانا هندی یە کە پارچێن دی ێێن کوردستانی ژ ماف و ئازادییا خوە بێ بەهر مانە، ژ بەر ڤێ چەندێ ژی پێویستە ھەر کوردەک ل کیژ جهی بە پێدڤیە پشگیریا ڤێ پرۆسەسێ بیت، و ب ھەموو ھێزا خوە پشتگرییێ بدەتە ریفەراندۆما سەرخوەبوونا کوردستانێ.

kdp-