پێشنیوەڕۆی ئەمڕۆ شەممە بەهۆی ئاگركەوتنەوە، تەواوی ماڵی هاووڵاتییەك لە كوێستانی حاجی ئۆمەران لە سنووری شارۆچكەی چۆمان سووتا.



هیوا حوسێن حاجی ئاغا، سەرۆكی دەستەی هیوای خێرخوازی، راگەیاند: "پێشنیوەڕۆی ئەمڕۆ شەممە 22-7-2017 ئاگادار كراینەوە، بەهۆی ئاگركەوتنەوەوە ماڵی هاووڵاتی مەلا محەمەد، لە كوێستانی چیكا لە سنووری حاجی ئۆمەران سەر بە شارۆچكەی چۆمان لە ئاگردا سووتاوە".



ئەو هاووڵاتییە پیشەی پێشمەرگەیە و بەمەبەستی كاری جووتیاری و كشتوكاڵی ڕووی لە دەڤەرەكە كردووە.



سەرۆكی دەستەی هیوای خێرخوازی گوتیشی: "دەستبەجێ‌ گەیشتینە شوێنی رووداوەكە و بینیمان تەواوی كەل و پەلەكانی ماڵەوەی سووتاون، بەڵام زیانی گیانی بەدواوە نەبووە، ئێمەش لای خۆمان وەك دەستەی هیوای خێرخوازی، بڕێک كەلوپەل و خواردەمەنیمان پێشكەش بەو خێزانە كرد".

bas news-