سەرۆكێ كۆمەلەیا (KOMKAR) و ئەندامێ كۆمێتەیا پارتیا ماف و ئازادیان (HAK-PAR)ـێ ل وەڵاتێ سوید، دبێژیت، ریفراندۆما هەرێما كوردستانێ بڕیارەكا دیرۆكی یا گەلێ كوردەو، دێ رۆلەكێ مەزن گێریت و ئەم ژی ب هەموو شێوەیەكی پشتگیریا ڤێ ریفراندۆمێ دكەین، هەروەسا خەلكێ وەڵاتپارێز ژی گەلەك ب جۆشە بۆ ریفراندۆمێ و دخوازین گەلێ كورد ب رێژەیەكا هەری مەزن بەشداریێ د ڤێ ریفراندۆمێ دا بكەت.

(هالۆك ئۆزتوروك)، بۆ ماڵپەرێ فەرمیی یێ پارتی دیموكراتی كوردستان گوت: ''بەریا نها ئامادەباشیەكا گەلەك بۆ ڤێ ریفراندۆمێ هاتیە كرن و، ئێدی دونیا هەموو بەحسا كوردان دكەن و، جیهان ژی ل سەر ڤى تشتی ئاگەهدارە، كو مللەتەكی مەزن یێ هەی ب ناڤێ كورد هەتا نها د بێ دەولەتن و، مافێ وانە ئەو ژی ببن خودان وەڵات.''

گۆتژی: ''ب سەدان ساڵە كورد خەباتەكا مەزن دكەن بۆ ڤی دەولەتێ و ئەگەر كورد ل جهەكی دی بان و نە دناڤ ئیمپراتۆریەتا فارس و توركان دابانە، و نە ل رۆژهەلاتا ناڤین بانا، نها ژ مێژە وەڵات بوو و، نها ئەوێن نەخشەیێ سایكس پیكۆ داناین، ئەوێن بزاڤان راكرنا وێ ژی دكەن.

(ئۆزتورك)ـی، ئەو چەندە گۆت: ''جڤینا (سەرۆك بارزانی) هیڤیێن گەلێ كورد ب هێزتر كرن، و بەریا نها ژی دبلۆماسیەتا سەركەفتی یا كوردستانێ كارتێكرنا خۆ كربوو و، ئێدی مللەتێ كورد پاشڤە ناڤەگەرێت ژبۆ پرسا ریفراندۆمێ، چونكە ب دەهان ساڵان خەلك چاڤەڕێ ڤێ رۆژێ نە، قوربانی دانە، و هنارتنا چاڤدێران بۆ كوردستانی ئەڤەژی رامانا پینگاڤەكە گرنگە، و پێدڤیە كورد پشتەڤانێی ل ریفراندۆمێ بكەت دا كو رێژەیەكا مەزن یا دەنگان ب دەست خۆڤە بینت، و كارتێكرنێ ل رایا گشتی یا جیهانێ بكەت.''
kdp-