فه‌رمانده‌ی گشتیی هێزی پێشمه‌رگه‌ له‌محیوه‌ری باشیك، ئاماژه‌ به‌وه‌ ده‌كات كه‌ زۆر شوێن ماوه‌ هێزی پیشمه‌رگه‌ی كوردستانی بۆ نه‌چووه‌ و ده‌ڵێت "زۆر شوێنیش ماوه‌ ئێمه‌ ده‌بێت بۆی بچین".



حه‌مید ئه‌فه‌ندی، فه‌رمانده‌ی گشتیی هێزی پێشمه‌رگه‌ له‌محیوه‌ری باشیك، راگه‌یاند: "رێككه‌وتنمان له‌گه‌ڵ حكوومه‌تی عێراق هه‌بوو، پێش ئازادكردنه‌وه‌ی مووسڵ شوێنه‌كانمان دیاری كراو بوو، ئێستاش زۆر شوێن هه‌یه‌ سنووری كوردستانه‌ پێشمه‌رگه‌ شوێنی خۆی نه‌گرتووه‌، فه‌رمان هه‌بێت ده‌چین ده‌یانگرین".



فه‌رمانده‌ی گشتیی هێزی پێشمه‌رگه‌ له‌محیوه‌ری باشیك، ئه‌وه‌شی خسته‌ڕوو: "ده‌بێت حه‌شدی شه‌عبیش له‌و شوێنانه‌ی شنگال كه‌ سنووری كوردستانن و پێشره‌ویان كردووه‌ بكشێنه‌وه‌، چونكه‌ ناكرێت به‌م شێوه‌ی ئێستا درێژه‌ به‌كاره‌كانیان بده‌ن".



جه‌ختیشی له‌وه‌ كرده‌وه‌: "هه‌ماهه‌نگی نێوان هاوپه‌یمانان و پێشمه‌رگه‌ به‌رده‌وام ده‌بێت و له‌ داهاتووشدا كاری هاوبه‌شیان ده‌بێت".
bas news-