لە درێژەی کاروچالاکییەکانی دەزگای خێرخوازیی بارزانی، خاوەن پێداویستییانی تایبەت لە شارۆچکەی مێرگەسۆر بەسەرکرانەوە و سیمیناری تایبەت بە چۆنیەتیی بەکارھێنانی کەلوپەلەکان و رێنمایی تەندروستی بەڕێوە دەچێت و پاشان ھاوکاری 13 خاوەن پێداویستی تایبەت کران.

ئەمڕۆ دووشەممە 17/7/2017 دەزگای خێرخوازیی بارزانی، بە ھەماھەنگی لەگەڵ دەزگای LDSی ئەمەریکی سمینارێکی تایبەتیان بۆ خاوەن پێداویستییانی تایبەت لە شارۆچکەی مێرگەسۆر بەڕێوەبرد و پێداویستی و ویلچەیریان پێشکەشی 13 لە خاوەن پێداویستییانی تایبەت کرد، پێداویستیەکان بریتی بوون لە(ویلچێر، کورسی WCی بچووک و گەورە، رەوڕەوە، چوارپێچکە، کۆشینی GLY، عەکازە).

ھاوکات ھەر ئەمڕۆ دووشەممە، دەزگای خێرخوازیی بارزانی بە ھاوکاری دەوڵەتی کوێت کاروانێکی دیکەی ھاوکارییە خۆراکیەکانی گەیادە دانیشتوانی شاری موسڵ و پێداویستی خۆراکی بۆ ھەزار خێزان لە گەڕەکی حەی نەجاڕی بەری راستی شارەکە پڕ کردەوە.










باسنيوز