بەڕێوەبەری گشتیی تەندروستیی پارێزگای دھۆک، ئاماژە بەوە دەدات کە دوای نەمانی تیرۆریستانی داعشیش، تیمی تەندروستیی دھۆک، دەمێننەوە و لە خزمەت بەردەوام دەبن.



د. نزار عیسمەت تەیب، بەڕێوەبەری گشتیی تەندروستیی پارێزگای دھۆک، راگەیاند: "بنکەی تەندروستیی چیای شنگال، نموونەی بەرخودان و خزمەتی تەندروستییە، ئەو بنکەیە ھەر دەمێنێت و لەگەڵ تیمی تەندروستیی شنگال لە کارەکانی بەردەوام دەبێت، ئەمەش سەرەڕای بەشە دەرمانی شاری دھۆک، کە ئێستا بە رێژەی 15%مان پێدەگات".



بەڕێوەبەری گشتیی تەندروستیی پارێزگای دھۆک، ئەوەشی خستەڕوو: "ئەو کاتەی کارەساتی شنگال لە 3/8/2014 روویدا، ئەو تیمەی ئێمە بۆ خزمەتی ھاووڵاتییانی ئێمە چوون، ئێستاش لە خزمەتی ئاوارە و خەڵکی ئەو ناوچەیە بەردەوامن".

bas news-