پێشنیوەڕۆی ئەمڕۆ یەکشەممە، دوو گەنجی شاری ھەولێر، لەکاتی مەلەکردن لە رووباری گەلی عەلی بەگدا خنکان، تائێستاش تەرمەکەیان نەدۆزراوەتەوە.



رائید بەیار باڵەکی، گوتەبێژی پۆلیسی بەرگری شارستانی سۆران، راگەیاند: "دوایی ئەوەی سێ ھاووڵاتی دانیشتووی شاری ھەولێر، سەردانی دەڤەری سۆرانیان کردبوو، کاتژمێر 11 ی پێشنیوەڕۆی ئەمڕۆ یەکشەممە 4/6/2017 لەکاتی مەلەکردنیاندا لە گەلی عەلی بەگ، دوو کەس لەوانە خنکاون بەناوەکانی (ح-ع) لەدایکبووی 1990 پیشەی پێشمەرگەیە، لەگەڵ (ر-ک) لەدایکبووی 1991 پیشەی ھێزەکانی ئاسایش".



گوتەبێژی پۆلیسی بەرگری شارستانی سۆران، گوتیشی: "لەلایەن ئەو کەسەی کە لەگەڵیاندابووە لە مەلەکردندا رزگاری بووە، کە ھەرسێکیان براو خزمی یەکترن، لەو رووداوە ئاگادار کراینەوەو تیمەکانمان گەیشتوونە شوێنی رووداوەکە، بەڵام بەھۆی شەپۆلەکانی رووبارەکە و سەختی شوێنەکە تائێستا گەڕان بەدوای تەرمی ئەو قوربانیانە بەردەوامە".



bas news-