پارێزگای ھەولێر ئاگادارییەکی سەبارەت بە خانووی کۆمەڵگەی بەحرکەی نوێ بڵاو کردەوە.

لێژنەی دابەشکردنی خانووی کۆمەڵگەی بەحرکەی نوێ، ناسراو بە (خانووی ئیماراتی) تێیدا باس لەوە دەکرێت، کە سەبارەت بەو خانووانەی کە بەسەر ھاووڵاتییانی کەمدەرامەت و کرێچییان دابەش کراون، ئەوانەی ناویان دەرچووە و تا ئێستا بەدواداچوونیان نەکردووە، یان کارتیان دراوەتێ، بەڵام نەچوون بۆ نێو خانووەکانیان، ئەوا ئاگاداریان دەکەینەوە، کە دوا مۆڵەت بۆیان تا 15/6/2017یە، کە دەبێت ماڵیان بچێتە نێو خانووەکانەوە، بە پێچەوانەوە خانووەکەیان لێ وەردەگیرێتەوە و "بەو ھاووڵاتییە دەدرێت، کە شایستەی وەرگرتنی ئەو خانووەیە و لە قۆناغی یەکەمدا بۆی دەرنەچووە".

لە ڕاگەیاندراوەکەدا ئەوەش خراوەتە ڕوو، کە خانووەکان بەھیچ شێوەیەک بۆ بەکرێدان و کڕینەوە و فرۆشتن نین، ھەر کەسێک مامەڵەی لەم شێوەیەی پێوە ‌بکات، ئەو کاتە لێی وەردەگیرێتەوە".




باسنیوز