بەرپرسێ پەێوەندی و راگەھاندنێ ل رێڤەبەریا بەرەڤانیا باژێری ل دھۆکی، دیارکرکو پشتی رێڤەبەریا مە ب ھەبوونا ھندەک ماددێن کێمیاوی یێن مەترسیدار ل گۆندەکێ سنۆرێ قەزا شێخان ھاتینە ئاگەھدارکرن تیمین رێڤەبەریا مە گەھشتنە جھێ بویەرێ ب ھاریکاریا ھندەک تیمێن دێ دەست ب راکرنا وان ماددێن مەترسیدار ھاتە کرن.



ئەڤرۆ 29/5/2017 رائیدێ مافپەروەر بێوار عەبدولعەزیز، بەرپرسێ پەێوەندی و راگەھاندنێ ل رێڤەبەریا بەرەڤانیا باژێری ل دھۆکی، دیارکر: "ئەو ماددێن کێمیاوی یێن مەترسێدار ژ پەشیمایێن رێکخراوا تیرۆرستێن داعش بوون ل گۆندی بانتایی سنورێ قەزا شێخان پارێزگەھا دھۆکێ ھاتبوونە دیتن تیما رێڤەبەریا مە ب سەرپەرشتیا نەقیبێ مافپەروەر دلێر رەفعەت مزووری ب ھەماھەنگی ل گەل تیمێن کەندی و فەرەنسی وپەیمانگەھا بەرەڤانیا باژێری و دەزگای مینان ئەم شیان ب شیوەیەکێ زانستی کونترولا وان ماددێن کێمیاوی یێن مەترسیدار بکەن".



خۆیا ژی کر: "تیمێن مە دگەل تێمین دێ ئەو ماددێن کێمیاوی ژ گۆندی بانتایی ئینانە دەر وڤەگوھاستنە جھەکێ ئارام بۆ ژناڤبرنێ".

bas news-