گوتەبێژی ھاتوچۆی ھەولێر، ئاماژە بەوە دەدات کە ئەمڕۆ یەکشەممە، رووداوێکی ھاتوچۆ، لەنێوان دوو بارھەڵگر روویدا و شوفێرێکیان بە سەختی بریندار بوون.



فازڵ حاجی، گوتەبێژی پۆلیسی ھاتوچۆی ھەولێر، بە ( راگەیاند: "ئەمڕۆ یەکشەممە 28/5/2017 کاتژمێر 1:00 دوای نیوەرۆ لەسەر رێگای ھەولێر - کەرکووک لەنزیک گوندی شیراوە رووداوێکی ھاتوچۆ لەجۆری پیکدادان کەوتەوە، لەنێوان دوو بارھەڵگری گەورە کە یەکەمیان ئەکترۆزیک و ئەوی تریان تانکەرێکی سوتەمەنی بوو کە بڕێکی زۆری مادەی سوتەمەنی ھەڵگرت بوو".



گوتەبێژی ھاتوچۆی ھەولێر، ئەوەشی خستەڕوو: "لە ئەنجامی رووداوەکەدا شوفێری ئەکترۆزەکە بەسەختی زامدار بوو، جگە لە زیانی مادی زۆر بەر ھەردووک بارھەڵگر کەوت، ھۆکاریش بۆ کەوتنەوەی رووداوەکە پێچکردنەوەی نایاسایی بارھەڵگرەکەی سوتەمەنی بوو".

BAS NEWS-