قائیمقامێ قه‌زا شنگال، دیاركر كو حه‌شدا شه‌عبى هه‌ژماره‌كا گۆندێن كوردان ل قه‌یره‌وان ده‌ڤه‌را شنگال داكیر كرینه‌، نوكه‌ ژێ یا به‌ره‌ڤ گوچو پێشڤه‌چوونى دكه‌ت.


مه‌حما خلیل قائیمقامێ قه‌زا شنگال دیار كر "حه‌شدا شه‌عبى چه‌ند گۆندێن ده‌ڤه‌را شنگال داگیر كرینه‌ ئه‌ڤ ره‌فتارێن حه‌شدا شه‌عبى دێ بنه‌ ئه‌گه‌ر هیچ كه‌سه‌كێ ئێزدى به‌رهه‌ڤ نه‌بیت ڤه‌گه‌رنه‌ ده‌ڤه‌را تل بنات و تل قه‌سه‌ب و گوچو و ده‌ڤه‌رێن دێ یێن حه‌شدا شه‌عبى تێدا بمینت".


خۆیا ژى كر "شنگالیان پێ خوش بوو ئه‌و بخوه‌ برینێن خوه‌ ده‌رمان بكه‌ن و هه‌موو به‌رهه‌ڤێ ژى هاتبوونه‌ كرن بۆ كونترول كرنا هه‌موو ده‌ڤه‌رێن سه‌ر شنگالێ ڤه‌ لێ بێ هه‌ماهه‌نگى حه‌شدا شه‌عبى هات ئه‌و ده‌ڤه‌ر داگیركرن چوو رێز نه‌گرت".


مه‌حما خه‌لیل گۆت "ئه‌م ل هاتنا حه‌شدا شه‌عبى نه‌هاتینه‌ ئاگه‌هدار كرن چوو هه‌ماهه‌نگى ژێ مه‌ دگه‌لدا نێنه‌ ئه‌م ناخوازن ل ده‌ڤه‌را شنگال بمینت چونكو دێ ره‌وشا ده‌ڤه‌رى ئالوز كه‌ت".
bas news-