بەڕێوەبەرایەتیی نەھێشتنی مادە ھۆشبەرەکان، ڕاگەیەندراوێکی بڵاو کردەوە، تێیدا ئاماژە بۆ ئەوە کراوە، کە ھەموو ئەو دەنگۆیانە ڕەد دەکەنەوە، کە باس لەوە دەکەن زاخۆ بووەتە دەروازەیەک بۆ گواستنەوەی مادە ھۆشبەرەکان.

ئەمڕۆ چوارشەممە 24/5/2017 بەڕێوەبەرایەتیی نەھێشتنی مادە ھۆشبەرەکان ڕاگەیەندراوێکی بڵاو کردەوە، تێدا ھاتووە: "ھەموو ئەو دەنگۆیانە رەد دەکەنەوە، کە باس لەوە دەکەن، زاخۆ بووەتە دەروازەی گەیاندنی مادە ھۆشبەرەکان، چونکە ئەو رێڕەوەی کە بۆ گواستنەوەی مادە ھۆشبەرەکان بەکاردێت، دەکەوێتە دەرەوەی سنووری فەرمی ھەرێمی کوردستان و ھیچ پەیوەندییەکی بە سنووری شارۆچکەی زاخۆوە نییە".

ھەر لە ڕاگەیەندراوەکە، ئەوەش خراوەتەڕوو: "ھەمیشە لە بەڕێوەبەرایەتیی نەھێشتنی مادە ھۆشبەرەکاندا مامەڵە لەگەڵ داتا، زانیاری و بەڵگە دەکرێت، لەسەر ئەو بنەمایەش بۆ ڕای گشتی ڕوون دەکەینەوە، کە ئەو بابەتە بەھەموو شێوەیەک لە ڕاستییەوە دوورە".

بەڕێوەبەرایەتیی نەھێشتنی مادەی ھۆشبەر، جەختیشی لەوە کردوەتەوە: "پێش بڵاوکردنەوەی زانیاری و لێدوان، داوای داتا و زانیاری لە بەڕێوەبەرایەتییەکەمان بکەن، ھەموو کاتێک ئامادەین زانیاری و بەڵگە بۆ رای گشتی روون بکەینەوە".













باسنیوز