ئه‌مشه‌و له‌ كه‌لار ئۆتۆمبێل له‌ باوكێك و منداڵه‌كه‌ى ده‌دات و به‌و هۆیه‌وه‌ منداڵه‌كه‌، گیانى له‌ده‌ست دا و باوكه‌كه‌ش بریندار بوو.

نه‌قیب كارزان مه‌جید، به‌رپرسى به‌شى راگه‌یاندن و په‌یوه‌ندییه‌كانى هاتوچۆى ئیداره‌ى گه‌رمیان ڕاگه‌یاند :" كاتژمێر 8 ى ئه‌مشه‌و له‌نزیك سه‌رۆكایه‌تى زانكۆى گه‌رمیان له‌ كه‌لار، ئۆتۆمبێلێك له‌ منداڵێك و باوكى دا".

گوتیشى :" هه‌رچه‌نده‌ به‌په‌له‌ باوك و منداڵه‌كه‌ گه‌ینرانه‌ نه‌خۆشخانه‌ى فریاكه‌وتنى شه‌هید هه‌ژار له‌ كه‌لار، به‌ڵام منداڵه‌كه‌ گیانى له‌ده‌ست دا و باوكیشى به‌سه‌ختى برینداره‌".

ئه‌وه‌شى خسته‌ڕوو، ئۆتۆمبێله‌كه‌ له‌ جۆرى هۆنداى سه‌نتافى بووه‌، له‌ دواى ڕووداوه‌كه‌ شۆفێره‌كه‌ ئۆتۆمبێله‌كه‌ى به‌ جێهێشتووه‌، به‌ڵام دواتر خۆى ڕاده‌ستى پۆلیس كردووه‌.
bas news-