قائیمقامێ قەزا شنگال، دیارکرکو مەترسیی ھەیە گۆرێن ب کۆم بھێنە بەرزەکرن ژلایێ ھێزیێن عێراقی ڤە ل دەڤەرا شنگال، چونکو دھێتە پێشبینی کرن ل دەڤەرا گوچو و تل بنات و تل قەسەب و سیبا شیدری و گرعزیر حاتیمە ودەڤەرێن دێ گەلەک گۆرێن ب کۆم کوردێن ئێزدی ھەبن.

مەحما خەلیل، قائیمقامێ قەزا شنگال، دیارکر: "ئەم دترسن ھەڤکاریا مە نەھێتە کرن بۆ دیتنا و ئاشکراکرنا گۆرێن ب کۆم بھێنە بەرزەکرن ژلایێ ھێزیێن عێراقی ڤە ئەم داخوازی ژ حەشدا شەعبی و ھێزیێن عێراقی دکەین دەڤەرێن مە بھێلن ومایتیکرنی دەڤەرا شنگالێ دا نەکەن ورێ بدەن شنگالێ ب دەستێن خوە برینێن خوە دەرمان بکەن وگۆرین ب کۆم نەھێنە تێکدان لێ ترس ھەیە گۆرێن ب کۆم نەھێنە پاراستن ژلایێ وان ڤە".

خۆیا ژی کر: "ھەتا نوکە بەغدا بۆ شنگال چوو نەکریە مە رێز بۆ حەشدا شەعبی ھەیە لێ ئەم دگەلدا نینن ل دەڤەری بمینت چونکو دێ شنگال تووشی کێشەیان بیت مەترسینە بۆ بەرزەکرنا گۆرین ب کۆم دروستکریە چونکو بەغدا نەیا ھەڤکارا بۆ دانا ناسینا کارەساتا شنگال وەکو جینوساید".















باسنیوز