ئەمڕۆ پێنجشەممە، وەزیری پەروەردەی حکوومەتی ھەرێمی کوردستان، پێشوازی لە نوێنەری بانکی نێودەوڵەتی لە ھەرێمی کوردستان کرد.



ئەمڕۆ پێنجشەممە 11/5/2017 د.پشتیوان سادق، وەزیری پەروەردەی حکوومەتی ھەرێمی کوردستان، لەگەڵ سیبیل کۆلکسیز، نوێنەری بانکی نێودەوڵەتی لە ھەرێمی کوردستان کۆبویەوە، ئامانجی کۆبوونەوەکە دروستکردنی پەیوەندی و ھەماھەنگی زیاتر و ئەولەویەتدانی وەزارەتی پەروەردە لە کار و پڕۆژەکان و سوودوەرگرتن لە ئەزموونی ھەردوولا بوو.



نوێنەری بانکی نێودەوڵەتی، ئامادەیی خۆی لە ھەر جۆرە پاڵپشتی و پەیوەندی و ھاوکارییەکی زیاتری کەرتی پەروەردە و فێرکردن بە ھێزی کاری دەربڕی.


لە کۆتاییشدا وەزیری پەروەردە خۆشحاڵی خۆی و ئامادەیی حکوومەت و وەزارەتی پەروەردەی لە دروستکردنی پەیوەندییە نیشتمانی و پەروەردەییەکان بۆ بەرەو پێش بردنی رەوشی پەروەردە و فێرکردن لە ھەرێمی کوردستان دەربڕی.

bas news-