ئەڤرۆ پێنجشەمبێ، ب مەرەما وان دامەزراندنا لسەر کومپانیێن پەترۆلێ و قەرەبووکرنا زەڤی و مولکێن وان، وەلاتیێن گوندەکێ سنوورێ ناحیا چەمانکێ خرڤەبوونەکا نەرازیوبونێ ئەنجامدا.



ئەلەند ئەمیر، رێڤەبەرێ ناحیا چەمانکێ د لێدوانەکێ دا) راگەھاند: "ئەڤرۆ پێنجەشمبێ 11/5/2017 ئەم ھاتینە ئاگەھدارکرن کو وەلاتیێن گوندێ (گەڤەرکێ) ل سنوورێ ناحیا چەمانکێ دەست ب خرڤەبوونەکا نەرازیبوونێ کریە ، ئەم وەکو ناحیە ھایدارێ گل و گازندەیێن وان بوین و ئەو دخوازن کو لسەر ئەوان کومپانیێن پەترۆلێ کار بکەن و بھێنە دامەزراندن و دیسان دخوازن کو ئەو مولکێن کەفتینە بەر دامەزراندنا وان کومپانیێن پەترولێ بھێنە قەرەبوکرن و بەروڤاژی دڤێت ل وان جھان بھێنە ڤەگوھاست".



رێڤەبەرێ ناحیا چەمانکێ زێدەتر گۆت: "دنھادا حکومەتا ھەرێما کوردستانێ د بارودوخەکێ قەیرانا وی دایە و دیسان دانانان و دامەزراندنا ئەوان کومپانیان لسەر ئەوان مولکان کارەکێ ئەندازیاری بوویە و چوو پەیوەندی ب وێ یەکێ ڤە نینە کو ب زوری ھاتنە دانان لسەر وان مولکان ، بەلێ مە وەکو رێڤەبەریا ناحیا چەمانکێ گازندەیا وان بەرچاڤ وەرگرت و بو لایەنێن شولەژێ بلندکریە و ھیڤیە کو جھێن شولەژێ خەمەکێ ژ بابەتی بخون و ئاریشێن وان چارەسەر بکەن".



جھێ ئاماژەکرنێ یە ل سنورێ ناحیا چەمانکێ گەلەک کومپانیێن نەفتێ ھەنە و ھەمو وان کومپانیان کارمەند ژ دەڤەرێن دی ڤەگوھاستینە ئەوێ دەڤەرێ و خەلکێ ناحیا چەمانکێ دخوازیت ئەو کومپانی گەنجێن وان دەڤەران وەک کارمەند وەربگریت بو کارکرنا وان دناڤا کومپانیان دا.

bas news-