بەرپرسێ پشکا رەوشەنبیری دەستەیا بلندا بنگەھێ لالش یێ رەوشەنبیری وکۆمەلایەتی دیارکرکو دێدارا دوویێ یا لالش ل سەر پاشەرۆژا شنگال ودەڤەرێن دەشتا مووسلێ پشتی نەمانا رێکخراوا تیرورستێن داعش ھاتە ئەنجامدان.



شەمۆ قاسم، بەرپرسێ پشکا رەوشەنبیری دەستەیا بلندا بنگەھێ لالش یێ رەوشەنبیری وکۆمەلایەتی بۆ (باسنیوز) دیارکر: "ب مەرەما پاشەرۆژا شنگال وخوشکرنا ژین و ژیارا خەلکێ وئاڤەدانیا دەڤەرێ دیدارا دوویێ یا لالش دەستپێکر ،ئەم کاردکەین کا بۆ شنگال چ بھێتە کرن وئیدارا شنگال چ پرۆژە و داخازی و ئاستەنگ ھەنە ھەروەسا ژی حکومەتا ھەرێما کوردستانێ و حکومەتا بەغدا چ پلان وبەرنامە بۆ ئاڤەدانیا شنگال ھەنە".



خۆیا ژی کر: "رزگارکرنا مووسل یا بەرەڤ دووماھی دچێت ئەم ھەولدەن بۆ شنگال و دەڤەرێن ئێزدیان یێن دەشتا مووسلێ کار وخزمەت بھێنە پێشکیشکرن وپاشەرۆژا وان دگەل یا ھەرێما کوردستانێ بیت بۆ وی یەکێ ئێزدی تووشی چوو کارەساتێن دێ نەبن، دیدارا لالش یا دویێ ئەڤرۆ 11/5/2017 ھێتە ئەنجامدان بۆ ماوی رۆژەکێ دێ یا بەردەوام بیت".

bas news-