ئه‌مڕۆ دووشەممە كۆبونه‌وه‌ی شاندی سه‌ركردایه‌تیی هاوبه‌شی یه‌كێتیى نیشتمانیى كوردستان و بزوتنه‌وه‌ی گۆڕان له‌ مه‌كۆی سه‌ره‌كیی بزووتنه‌وه‌ی گۆڕان له‌ شاری سلێمانی به‌ڕێوه ‌چوو.

به‌پێی زانیاریی میدیا فەرمییەکانی یەکێتیی نیشتمانیی کوردستان ئەمڕۆ دووشەممە 8-5-2017 له‌ مەکۆی سەرەکیی بزووتنەوەی گۆڕان شاندی هاوبەشی سەرکردایەتیی یەکێتیی و گۆڕان سەربارەت بە تاوتوێی ڕەوشی هەرێمی کوردستان و هەوڵدان بۆ چارەسەریی قەیرانەکان کۆبوونەوە و کەمێک لەمەوبەر کۆبوونەوەکەیان کۆتایی پێهات.

شاندی یه‌كێتی بۆ كۆبوونه‌وه‌كه‌ پێكهاتبوون له‌ (هێرۆ ئیبراهیم ئه‌حمه‌د، حاكم قادر حه‌مه‌جان، عیماد ئه‌حمه‌د، ره‌فعه‌ت عه‌بدوڵڵا، و شاڵاو كۆسره‌ت ره‌سووڵ) هه‌روه‌ها شاندی گۆڕانیش پێكهاتبوون له‌ (حه‌مه‌ تۆفیق ره‌حیم، عومه‌ری سه‌ید عه‌لی، ئیسماعیل نامیق، ساماڵ عه‌بدوڵڵا، عوسمانی حاجی مه‌حموود) کە تێیداو چه‌ند پرسێكی تایبه‌ت به‌ ره‌وشی هه‌رێم و چاره‌سه‌ری قه‌یرانه‌كان تاوتوێ كراون‌.

بڕیارە سەبارەت بە تەوەر و ناوەرۆکی کۆبوونەوەی نێوان یەکێتی و گۆڕان راگه‌یه‌ندراوێک بڵاو بكرێته‌وه‌.















باسنيوز