رەوشەنبیر و کەسایەیتی کوردێن ئێزدی دیارکر کو ل وەلاتی تورکیا و سوریا کوردێن ئێزدی ژ بەر پەکەکێ کۆچبەر بووینە و نەماینە ل سەر ئاخا باب وبابپرین خوە یێ قەستا ژ دەرڤەی وەلاتی دکەن ل شنگال ژێ ئەڤ مەترسیا یا ھەی.

نایف رەشو، رەوشەنبیر و کەسایەیتی کوردێن ئێزدی بۆ (باسنیوز) دیارکر: "مانا پەکەکێ ل شنگال یا بوویە ئەگەر خەلک شنگال کوچبەر دەرڤەی وەلاتی ببین و پەکەکە بوویە ئەگەر ئێزدی ژ لالشا نورانی دوور بکەڤن وقەستا کوچبەری بکەن ھەر وەکو ل وەلاتی تورکیا و سوریا ژی ئێزدیان دەست ژ جە ومالێن خوە بەرداینە ژبەر پەکەکێ کۆچبەربووینە ئەم وەسا دبینن دێ ل شنگال ژێ ھەمان کارەسات روودەت ژبەر پەکەکێ ومانا پەکەکێ ل قەزا شنگال دێ کوردێن ئێزدی کوچبەر بن".

خۆیا ژی کر: "حکومەتا سوریا و بەغدا و ئیران پشتەڤانیی ل پەکەکێ دکەن ل سەر ئاخا کوردستانێ ودخازن ئالوزیان بۆ ئێزدیان دروست بکەن ئەڤ ئالوزیێن مەترسیدار یێن بنە ئەگەر ئێزدی قەستا دەرڤەی وەلاتی بکەن چونکو راستی ژێ پەکەکێ ئێزدێن شنگال بێ ئومیدکرینە".







باسنيوز