نوێنەرایەتیی سوننە لە عێراق، داوا لە سەرۆکی رەوتی سەدر دەکەن کە فشار دروست بکات بۆ ئەوەی حەشدی شەعبی لە شاری مووسڵ بکشێنەوە.

د.ئەردەلان نورەدین، پەرلەمانتار لە ئەنجومەنی نوێنەرانی عێراق، رای گەیاند: "چەند ڕۆژێک پێش ئێستا سەرۆکی پەرلەمانی عێراق، سەردانی سەرۆکی رەوتی سەدری کرد بوو، یەکێک لە داواکانی سەرکردایەتیی سوننە ئەوەیە کە حەشدی شەعبی نەچێتە ناوشاری مووسڵەوە".

ئەو پەرلەمانتارە، ئەوەشی خستەڕوو: "ئیستا ژمارەیەکی زۆری چەکداری حەشدی شەعبی چوونەتە ناو شاری مووسل، ئەمەش سوننەکانی نیگەران کردووە، بۆیە داوا دەکەن کە نابێت دەسەڵاتی شیعە لە مووسڵ حوکم بکات و دەبێت ھێزی حەشدی شەعبی لەو شارە دەربچێت".










باسنیوز