بەرپرسی راگەیاندنی قایمقامیەتی خورماتوو، ئاماژە بۆ ئەوە دەکات، ھێزەکانی ئاسایش گەنجێکیان دەستگیر کردووە کە تەقەی بەسەر ماڵێک کردووە و کەسێکی بریندار کردووە.

محەمەد فایەق، بەرپرسی راگەیاندنی قایمقامیەتی خورماتوو، رای گەیاند: "دەنگی ئەو تەقانەی کە لە گەڕەکی کۆماری شارۆچکەی خورماتوو بیسترا، گەنجێکی کورد بووە، تەقەی بەسەر ماڵێک کردووە".

بەرپرسی راگەیاندنی قایمقامیەتی خورماتوو، ئەوەشی خستەڕوو: "ئەو گەنجە ناوی ئاری بووە، دوای ئەوەی تەقەی بەسەر ماڵێک کردووە، کەسێکی بەناوی ئامانج، بریندار کردووە، ئێستا لەلایەن ئاسایشەوە دەستگیر کراوە".









باسنيوز