وه‌زیری‌ ته‌ندروستیی حکوومەتی ھەرێمی کوردستان، ڕایگەیاند: "باج دەخرێتە سەر جگەرە و تەواوی مادە کحوولییەکان و گوتیشی: "پلانی ئەوەمان ھەیە پشکنێن بۆ ھەموو ئەو ماددە خۆراکیانە بکەین کە ھاوردەی ھەرێمی کوردستان دەکرێن".

د. ڕێکەوت حەمەڕەشید، وەزیری تەندروستی لەمیانی کردنەوەی نەخۆشخانەی بەخشین لە شاری سلێمانی، ڕایگەیاند: "چه‌ند پڕۆژه‌یه‌كی تایبەت ڕاده‌ستی‌ سه‌رۆكایه‌تیی‌ ئه‌نجومه‌نی‌ وه‌زیران کراوە، بۆ ئەوەی باج بخرێته‌ سه‌ر جگه‌ره ‌و ماده‌ كحوولییه‌كان، بێگومان بۆ ئایندە باج دەخرێتە سەر جگەرە و مادە کحوولییەکان".

وه‌زیری‌ ته‌ندروستی ئاماژەی بەوەش کرد: "بۆ ئەمساڵیش پلانی ئەوەمان داناوه‌ ‌ پشكنین بۆ سه‌رجه‌م ئه‌و ماده‌ خۆراكییانه‌ بكه‌ین كه‌ هاورده‌ی‌ هه‌رێمی کوردستان ده‌كرێن".










باسنيوز