به‌رپرسێ په‌ێوه‌ندى و راگه‌هاندنێ ل رێڤه‌به‌ریا هاتنووچوونا دهۆكێ، دیاركر كو شه‌ڤا بۆرى چار خانم بوونه‌ قوربانێن روودانه‌كا هاتن وچوونى ژوان ژى دو خانما گیانى خوه‌ ژ ده‌ستدان و دو خانمێن دێ برینداربوون.



رائید ئازاد ته‌ها، به‌رپرسێ په‌ێوه‌ندى و راگه‌هاندنێ ل رێڤه‌به‌ریا هاتن وچوونا دهۆكێ، دیاركر: "ل سه‌ر رێكا قه‌زا سیمێل بۆ قه‌زا زاخۆ ل نێزیك كۆمه‌لگه‌ها موقبلى شه‌ڤا بۆرى ترۆمبیله‌ك ژ جۆرى هوندا ئه‌لنترا ژ بن كونترولا شوفیرى ده‌رگه‌ڤت د ئه‌نجامدا وه‌رگه‌ریا و چار خانم بووینه‌ قوربانى ڤێ روودانا دلته‌زین ژ وانا ژى دو خانما گیانى خوه‌ ژ ده‌ستدان و دو خانمێن دێ برینداربوون".



خۆیا ژى كر:" ڤێ حه‌ڤتیى دا 24 روودانێن هاتن وچوونى ل دهۆكێ رووداینه‌ د ئه‌نجامدا ژى 50 كه‌س بووینه‌ قوربانى ئه‌ڤه‌ ئێكه‌مین حه‌ڤتیا رێژه‌كا زۆر روودانێن هاتن وچوونى تێدا رووده‌ن و هه‌ژماره‌كا زۆر وه‌لاتیان بنه‌ قوربانى به‌رامبه‌ر هه‌یڤێن بۆرى یێن ئه‌ڤ سالا".
bas news-