شەوی ڕابردوو ژمارەیەک چەکدار بەمەبەستی دزیکردن ھەڵیان کوتاوەتە سەر ماڵێک، پاش دروستبوونی دەمەقاڵێ لەگەڵ خاوەن ماڵەکەدا ھەڵاتوون، دوای ڕووداوەکەش خاوەن ماڵەکە باری تەندروستی تێکچووە و پێش گەیاندنی بە نەخۆشخانە گیانی لەدەست داوە.



عەقید حەیدەر حەمەنەجم بێسەری، بەڕێوەبەری پۆلیسی چەمچەماڵ، "شەوی ڕابردوو 4 لەسەر 5/5/2017، لە شارۆچکەی چەمچەماڵ چوار چەکدار ھەڵیان کوتاوەتە سەر ماڵی ھاووڵاتییەک بەمەبەستی دزیکردن و لەگەڵ خاوەن ماڵەکەدا بووە بە دەمەقاڵێیان و ھەڵاتوون، پاش کاتژمێرێک لە ڕووداوەکەش خاوەن ماڵەکە باری تەندروستی تێکچووە و پێش گەیاندنی بە نەخۆشخانە گیانی لە دەست داوە".



بەڕێوەبەری پۆلیسی چەمچەماڵ، ئەوەشی خستەڕوو: "پەڕاوی لێکۆڵینەوە بۆ ڕووداوەکە کراوەتەوە و لێکۆڵینەوە لەو بارەیەوە دەستی پێکردووە، بەڵام تائێستا چەکدارەکان دەستگیر نەکراون".



ئاشکراشی کرد: "پێش سێ مانگ ڕووداوێکی دیکەی ھاوشێوە لە لە شارۆچەکەکەدا ئەنجام درا، بەڵام توانرا ئەنجامدەرانی دەستگیر بکرێن".

bas news-