دەزگای خێرخوازیی بارزانی، لە کاتێکدا چالاکییەکی بەرفراوانی ھاوکارییەکانی بۆ بەری راستی نەیەنەوا بەڕێوەبرد کە ھێشتا شەڕ لە کۆڵانەکانی ئەو بەشەی نەینەوادا بەردەوامە.



دوێنێ چوارشەممە ٣/٥/٢٠١٧ تیمەکانی دەزگای خێرخوازیی بارزانی، سەرەڕای بوونی شەڕ لە بەری راستی نەینەوادا ھاوکاری خۆراکییان بە ھەماھەنگی دەوڵەتی کوێت بۆ 2 ھەزرا و ٥٠٠ خێزانی شارەکە دابین کرد.



تائێستا بەری راستی نەینەوا لەلایەن ھێزە عێراقییەکانەوە بەتەواوی کۆنترۆڵ نەکراوەتەوە و شەڕ لە کۆڵانەکانی شارەکەدا بەردەوامە.



بارودۆخی ژیانی خێزانەکانی دانیشتووی بەری راستی نەینەوا بەھۆی شەڕ و ئاڵۆزییەکانەوە نالەبارە و بەدەست کەوتنی پێداویستییەکانی ژیان لەو شارەدا ئەستەمە و دەزگای خێرخوازیی بارزانی، بەشێک لە پێداویستییەکانی ئەو خێزانانە پڕ دەکاتەوە.

bas news-