بەرپرسێ راگەھاندنێ ل رێڤەبەریا ھاتن وچوونا دھۆکێ، دیارکر کو د چار ھەیڤێن بۆریدا ل سەرانسەری پارێزگەھا دھۆکێ 328 روودانێن ھاتن وچوونێ رووداینە د ئەنجامدا ژێ 54 کەسان گیانی خوە ژ دەستداینە و 883 کەس ژێ بریندار بووینە.



ئازاد تەھا، بەرپرسێ راگەھاندنێ ل رێڤەبەریا ھاتن وچوونا دھۆکێ، بۆ(باسنیوز) دیارکر: "ژ دەستپێکا ئەڤ سالا 1/1/2017 ھەتا 3/4/2017 ل پارێزگەھا دھۆکێ 937 کەس یێن بووینە قوربانیێن روودانێن ھاتن وچوونێ ژ وانا ژێ 54 کەسان جانی خوە دەستداینە و 883 کەس ژێ برینداربوینە د ناڤ 328 روودانێن ھاتن وچوونی دا ئەڤ ھەژمارا وەلاتیان یێن بووینە قوربانیی پتریا روودانان ژێ ژ ئەگەری نەپێگیریا شوفیران ب رینمایێن ھاتن وچوونی وبلەز لیخورینا ترۆمبیلان ئەڤ رودانێن دلتەزین رووداینە".



خۆیا ژی کر: "دڤێ حەڤتیی دا ژێ چەندین کەس یێن بووینە قوربانێن روودانێن ھاتن وچوونی ھندەک کەسان گیانی خوە ژدەستداینە و ھندەک ژێ برینداربووینە".

bas news -