دەزگای خێرخوازیی بارزانی، ھاوکاری 32 خاوەن پێداویستی تایبەت، 2 ھەزار و 357 خێزانی گوندی زوممار و 83 قتووی شیری بەسەر منداڵانی شیرەخۆرەی کەمپەکانی دیبەگە کرد.

ئەمڕۆ چوارشەممە ٣/٥/٢٠١٧ تیمەکانی دەزگای خێرخوازیی بارزانی، لە دیبەگە چەندین چالاکییان بەڕێوەبرد و لە چالاکییەکاندا ١٧٢٧ خێزان و ٨8 منداڵ ھاوکاری خۆراکییان بۆ دابین کرا.

دەزگای خێرخوازیی بارزانی بە ھەماھەنگی وەزارەتی کۆچ و کۆچبەرانی عێراقی پارسێلی خۆراکی بۆ ١٧٢٧ خێزانی ئاوارەی نیشتەجێی کامپەکانی دیگەیە دابین کرد، ھەروەھا ١٦٦ قوتووی شیری بە ھەماھەنگی رێکخراوی IRCS بۆ ٨٨ منداڵی ساوای ئاوارە دابەشکرد.

ھاوکات دوێنێ 2/5/2017 دەزگای خێرخوازیی بارزانی، لە درێژەی کاروچالاکییەکانی بە ھەماھەنگی unicef ٦٣٠ پێداویستی خاوێنکەرەوە بۆ گوندی شیرینی شارەدێی زومار دابین کرا.

ھەروەھا دوێنێ دەزگای خێرخوازیی بارزانی و دەزگای LDSی ئەمەریکی لەسەر چۆنیەتی مامەڵەکردن و پێدانی رێنمایی تەندروستی بۆ خاوەن پێداویستییانی تایبەت سمینارییان بەڕێوەبرد و لە کۆتایی سمینارەکانیشدا ویلچەیر بۆ بەشداربووانی سمینارەکە لە چەمچەماڵ دابەش کرا.













باسنيوز