بەرپرسێ پشکا پەیوەندی و راگەھاندنێ ل رێڤەبەریا گشتی یا ھاتن و چوونا پارێزگەھا دھوکێ راگەھاند: "ئەڤرۆ ل رێکەفتی 2/5/2017 ل رۆژا سێ شەمبی ل دەمژمێر 1:10 خولەک ل سەر جادا سەرەکی بو دھوکێ د ناڤبەرا و نێزیک گەلیێ زاویتە ل خولا زڤرینا (کورا) دوو ترۆمبێلان رویدانەکا ھات و چوونێ پەیدا کریە و د ئەنجام دا (7) کەس بریندار بونە و ھەر ئێکسەر ھاتنە رەوانەکرن بو نەخوشخانا تەنگاڤیان ل باژارێ دھوکێ".

ئازاد تاھا بەرپرسێ پشکا پەیوەندی و راگەھاندنێ ل رێڤەبەریا گشتی یا ھاتن و چوونا پارێزگەھا دھوکێ دیار کر ژی: "ترومبێلێن رویدان دروستکری ژ جورێ (ئینفینیتی ئیستێشن و ترومبێلەکا بارھەلگر ژ جورێ بیکەم مازدا) دروست بویە و د ئەنجامێ رویدانێ دا (7) کەس برینداربونە".

بەرپرسێ پشکا پەیوەندی و راگەھاندنێ ل رێڤەبەریا گشتی یا ھاتن و چوونا پارێزگەھا دھوکێ نەڤەشارت ژی: "زیانێن مەزن بەر ب ترۆمبێلێن ھەر دو ئالیان کەفتیە و ئەگەرێ پەیدابونا ئەڤێ رویدانێ بو نە پێگری ب رێنماێن ھاتن وچونێ و ھاژوتنا ترۆمبێلێ ب رەنگەکێ بلەز بویە لەورا ئەڤرۆ ژی (7) کەس ژ ئەگەرێ رویدانەکا ھاتن و چونێ برینداربونە و ھاتنە رەوانەکرن بو نەخوشخانا تەنگاڤیان ل باژارێ دھوکێ".







باسنیوز