بەرکەوتوویەکی دیکەی کیمیابارانی ھەڵەبجە شەھید بوو، سەرۆکی کۆمەڵەی قوربانییانی کیمیابارانی ھەڵەبجەش دەڵێت: "تا ئێستا 94 بەرکەوتووی کیمیاباران بەھۆی سەختی برینەکانیانەوە گیانیان لەدەست داوە".

لوقمان عەبدولقادر، سەرۆکی کۆمەڵەی قوربانییانی کیمیابارانی ھەڵەبجە، ڕایگەیاند: "شەوی ڕابردوو 1/5/2017، بەرکەوتوویەکی دیکەی کیمیابارانی ھەڵەبجە بە ناوی (دانا عومەر) بەھۆی سەختی برینەکەیەوە، شەھید بوو".

گوتیشی: "دانا عومەر، لەسەر خەرجیی خۆی، بەمەبەستی چارەسەرکردن براوە بۆ ئەڵمانیا، بەڵام شەوی ڕابردوو شەھید بووە".

سەرۆکی کۆمەڵەی قوربانیانی کیمیابارانی ھەڵەبجە، دەشڵێت: "لە ساڵی 2003وە تا ئێستا، 94 برینداری کیمیابارانی ھەلەبجە بەھۆی سەختی برینەکانیانەوە، گیانیان لەدەست داوە"











باسنیوز