شێوەرمەندی جڤاتا روحانیا ئێزدیان، دیارکر کو میرێ ئێزدیان گوھداریا ئێش و ئازارێن رزگاربویێن دەستێن داعش کر دێ ل دەستپێکا ھەیڤا بھێت سەرەدانا وەلاتی ئەلمانیا کەت دێ داخازی ژ برلین کەت چارەسەریا رزگاربویێن ئێزدی بکەن.



کەریم سلێمان، شێوەرمەندی جڤاتا روحانیا ئێزدیان، دپرێس کونفرانسەکێ دا: "ھندەک رزگاربوویان ھەتا نوکە پتر ژ 40 کەسان ژ مالباتا وان دیارنینن و ھندەک ژی 16 وھندەک ژی 17 کەس ھیشتا ژ مالباتا وان دیارنینن ھەموویان داخاز ژ میرێ ئێزدیان و بابی شێخ کرن کاربکەن بۆ رزگارکرنا رەڤاندیێن ئێزدی وژلایێ خوە ڤە میری ئێزدیان سوز دا داخازێن رزگاربوویان بگەھینت ھەموو دەولەتان ل بەراھیێ ژی دەولەتا ئەلمانیا دێ ڤان رۆژان شاندەکێ بلند ئێزدیان بەرەڤ ئەلمانیا ب رێ کەڤن".



خۆیا ژی کر: "ھندەک مالباتان ئێک کەس رزگاربوویە و ھندەک مالباتان ژی چوو کەس رزگارنەبوویە و رێژەکا زۆر خێزانان یێن ژێک ھاتینە ڤەقەتاندن ھەموویان داخاز ژ میرێ ئێزدیان کرن کار بھێتە کرن جارەکا دێ ھەموو خێزان بگەھنە ئێک ل شنگال پێکڤە بژین".



ل دووماھیا کۆمبوونی ژی میر تەحسین سەعید بەگ میرێ ئێزدیان، دیارکر:" دێ داخوازێن رزگاربوویان ئەمانەت ھێنە وەرگرتن و گەھاندنا ھەتا نوکە سەرەدانا چەندین دەولەتێن جیھانێ کریە بۆ رزگارکرنا رەڤاندیێن ئێزدی، سەرۆکێ حکومەتا ھەرێما کوردستانێ گەلەک کەس ژ دەستێن تیرۆرستان رزگارکرینە ئەم سوپاسیا وان دکەین".



میر تەحسین سەعید بەگ، گۆت: " گەلەک کەسێن ئێزدی مرن ھەلبژارتن و دەست ژ ئێزدیاتیی بەرنەدەن ئەوا بسەری کچ وژن وزارۆکێن مە ھاتی ژ ئەنجامێ زۆرداریا تیرۆرستان بوویە ل دەستپێکا کارەساتا شنگال مە بریارا دا ھەموو بزڤزن وبھێنە دناڤ کەس وکارێن خوە دا ب رێ و رەسمەکێ مەزن ئێزدی پێشوازی ل وان دکەت دەمێ رزگاردبن".



حسین قائێدی، رێڤەبەرێ نڤیسینگەھا رزگارکرنا رەڤاندیێن ئێزدی، دیارکر:" ھەتا نوکە نیزیکی 3 ھزار کەسان پشتەڤانیا راستەوخۆ سەرۆکێ حکومەتا ھەرێما کوردستانێ ژ دەستێن تیرۆرستێن داعش رزگاربوویە بەری دو رۆژان ژێ 36 کەسێن دی ھاتنە رزگارکرن وھەولدان بەردەوامن بۆ رزگارکرنا ھەموو رەڤاندیان ل نیزیک دێ مزگنین خوش داینە خەلکێ خوە ئێزدی".

bas news-