بەرپرسێ راگەھاندنێ ل رێڤەبەریا ھاتن وچوونا دھۆکێ، دیارکر کو 24 دەمژمیرین بۆریدا ل پارێزگەھا دھۆکێ 9 کەس بووینە قوربانێن روودانێن ھاتن وچوونی ژوانا ژێ دو کەسان گیانی خوە ژدەستدان و 7 کەسێن دێ برینداربوون.

ئازاد تەھا، بەرپرسێ راگەھاندنێ ل رێڤەبەریا ھاتن وچوونا دھۆکی دیارکر: "ل ئیتوتی روودانەکا ھاتن وچوونی روویدا د ئەنجامدا دو کەسان گیانی خوە ژ دەستدایە، ھەروەسا ژی ل سەر رێکا دھۆک بۆ زاخۆ ل نێزیکی ناحیا باتیلی روودانەکا دێ دلتەزین روودایە ل 24 دەمژمیرین بۆری د ئەنجامدا حەفت کەس برینداربون ترۆمبیلا بی ئیم دبلیو و ترۆمبیلەکا بارھەلگر لێکدایە وبرینین ھندەک برینداران دگرانن بۆ نەخۆشخانێ ھاتینە رەوانەکرن".

خۆیا ژی کر:" ل شەڤا بۆری ل سەر جادا ئیتوتی ترۆمبیلەک ژ بن کونترولا شوفیری دەرکەڤتیە ل ستوونا کوھرەبێ دایە ب مخابنی ڤە دو کەسان تێدا گیانی خوە ژ دەستداینە".







باسنیوز