ئەندامێکی ئەنجومەنی نوێنەرانی عێراق باس لە هەوڵی پەرلەمانتارێکی کورد دەکات کە هەوڵی داوە لەڕێگەی هاوپەیمانیی شیعەکانەوە، سزای خەڵکی کوردستان بدات.

شاخەوان عەبدوڵا، ئەندامی ئەنجومەنی نوێنەرانی عێراق گوتی: "ڕۆژی 25\4\2017 خەریکی داڕشتنی ڕاپۆرتێک بووین بۆ شەرمەزارکردن و ئیدانەکردنی هێرشی سوپای تورکیا بۆ سەر هەرێمی کوردستان، پەرلەمانتارێکی کورد بۆ ڕۆژی دواتر لەگەڵ فراکسێونەکانی هاوپەیمانی نیشتیمانیی (شیعەکان) بڕگەیەکی زیاد کردبوو کە سزای خەڵکی کوردستان بدات، ئەویش بە ڕاگرتنی کاڵا و کەلوپەلی تورکی بوو بۆ هەریمی کوردستان".
پەرلەمانتارە کوردە لە درێژەدا گوتیشی: "لە کاتێکدا زۆربەی کاڵا و خۆراکی هەرێم لە تورکیاوە دێت، بەوەش گرانییەکی تەواو و قەیرانێکی تر دەکەوتە سەرشانی هاووڵاتیانی هەرێمی کورستان، بەڵام ئەو هەوڵەی ئەو پەرلەمانتارە و ئەو فراکسیۆنەشمان لە گۆڕ نا، دوای فشار ناوی پەرلەمانتارەکەم وەرگرت کە ماڵ و مندالی خۆی لە ئەورووپایە، بۆیە گوێی بە گرانی و قەیرانی دارایی هەرێمی کوردستان نییە".

bas news-