قایمقامی قەزای ناوەندی ھەولێر، ئاماژە بۆ ئەوە دەکات کە سێ کەسیان دەستگیر کردووە کە خۆیان وەک کارمەندی ڕێکخراوی تەندروستیی جیھانی ناساندووە.

نەبەز عەبدولحەمید، قایمقامی قەزای ناوەندی ھەولێر، ڕایگەیاند: "نزیکەی کاتژمێر 3ی پاشنیوەڕۆی ڕۆژی ھەینی 28/4/2017 لەلایەن ھاووڵاتییەکەوە ئاگادار کراینەوە، کە دوو ئافرەت و پیاوێک لە گەڕەکەکانی بەختیاری، حاکماوا و گەڕەکی گوڵان، لە دەرگای ماڵان دەدەن، خۆیان وەک کارمەندی ڕێکخراوی تەندروستی جیھانی دەناسێنن و بە زۆر کەلوپەلی تەندروستیان پێ دەفرۆشن".

قایمقامی قەزای ناوەندی، ئەوەشی خستەڕوو: "دوا بە دوای ئەوە تیمەکانمان ھەر سێ کەسەکەیان دەستگیر کردووە، دواتر دەرکەوت کە خوێندکاری زانکۆن و بەمەبەستی کۆکردنەوەی پارە ئەو کارەیان ئەنجام داوە، ئێستاش پەراوی لێکۆڵینەوەیان بۆ کراوەتەوە، ڕەوانەی دادگا کراون".








باسینوز