لە هەڵمەتی ئەو قوتابخانانه‌ى کە لە هەرێمی کوردستان و لە گوند و شار و پارێزگاکان لە لایەن خێرخوازانەوە دەست به‌درووستكردنیان كراوه‌، ئەمڕۆ پێنجشەممە ڕێکەوتی (۲٠۱۷/٤/۲۷)، وزیری پەوەردەی حکوومەتی هەرێمی کوردستان دوو قوتابخانەی نوێی لە پایتەختی کوردستان و لە گرووپەکانی (زین) و (ئیتالی ۲) کردەوە.

قوتابخانەکانی (زین) و (بەهێز)، ئەو دوو قوتابخانە بنەڕەتییە بوون کە لە لایەن خێرخوازانەوە دروست کرابوون و لە کردنەوەیاندا چەندین چالاکی هونەری و کلتووری و موزیکی لە لایەن ستافی قوتابخانەکانەوە و بە هاوکاری بەشی چالاکی قوتابخانەکانی پەروەردەی ناوەندی هەولێر ئامادە کرابوون، پێشکەش کران.

کردنەوەی ئەم قوتابخانانە لە پاش هەڵمەتی دروستکردن و نۆژەنکردنەوەی ئه‌و قوتابخانانە دێت لە هەرێمی کوردستان کە وەزارەتی پەروەردە ڕای گەیاندووە و لە ماوەی حەفتەی ڕابردوو وەزیری پەروەردە زیاتر لە (۱٠) قوتابخانەی کردووەتەوە سەرەڕای چەندین قوتابخانەی دیکە کە لە لایەن پارێزگاری پارێزگاکان و بەڕێوەبەری پەروەردەکانەوە کراوەتەوە.







باسنيوز