وه‌زاره‌تى په‌روه‌رده‌ى حكوومه‌تى هه‌رێمى كوردستان، به‌مه‌به‌ستى ڕاهێنان له‌ په‌رتووكى نوێى وانه‌ى عه‌ره‌بى پۆلى 12 ى ئاماده‌یى، تاقیكردنه‌وه‌یه‌ك به‌ قوتابیانى ئه‌و قۆناغه‌ ئه‌نجام ده‌دات.

یوسف ناوده‌شتى، لێپرسراوى ڕاگه‌یاندنى په‌روه‌رده‌ى ڕانیه‌ ڕاىگه‌یاند : " به‌هۆى ئه‌وه‌ى كه‌ په‌رتووكى زمانى عه‌ره‌بى پۆلى 12ى ئاماده‌یى بۆ ئه‌مساڵى خوێندن، نوێیه‌ و تاقیكردنه‌وه‌ى وزارى تێدا ده‌كرێت، وه‌زاره‌تى په‌روه‌رده‌ بڕیارى داوه‌ كه‌ تاقیكردنه‌وه‌یه‌كى ڕاهێنان له‌و په‌رتووكه‌ به‌ قوتابیانى پۆلى 12 ئه‌نجام بدات".

گوتیشى :" بۆ ئه‌و مه‌به‌سته‌ كاتژمێر 9 ى به‌یانى ڕۆژى سێشه‌ممه‌ 2 ى ئایار دیارى كراوه‌ كه‌ قوتابیان له‌ قوتابخانه‌كانى خۆیاندا ئه‌و تاقیكردنه‌وه‌یه‌ ئه‌نجام بده‌ن.

باسى له‌وه‌شكرد، كه‌ پرسیاره‌كان له‌لایه‌ن به‌ڕێوه‌به‌رایه‌تى گشتیى ئه‌زمونه‌كانى وه‌زاره‌تى په‌روه‌رده‌ دانراون و دواى ئه‌نجامدانى تاقیكردنه‌وه‌كه‌ش، ئه‌نجامى تاقیكردنه‌وه‌كه‌ له‌لایه‌ن مامۆستاى قوتابخانه‌كه‌وه‌ ده‌پشكندرێت و ئه‌نجامه‌كه‌ش ته‌نها بۆ ڕاهێنانه‌ و ناچێته‌ سه‌ر نمره‌ى قوتابییه‌كه‌.







باسنیوز