سەرکردەیەکی پارتی دیموکراتی کوردستان، ئاماژە بەوە دەکات، کە بزووتنەوەی گۆڕان دەیەوێت خۆی لە پرسی ڕیفراندۆم بدزێتەوە و هه‌وڵیش ده‌دات یەکێتی بخاته‌ ژێر فشاری خۆیه‌وه‌.

نەجات حەسەن، ئەندامی سەرکردایەتی پارتی دیموکراتی کوردستان رایگەیاند :" لەگەڵ یەکێتیی نیشتیمانیی کوردستان، کۆمیتەی هاوبەشی ڕیفراندۆممان دروستکردووە و بڕیارە لەگەل حزبەکانی دیکەی هەرێمی کوردستانیش بەردەوامی به‌ گفتوگۆ بدیەن".

ئاشكراشیكرد، كه‌ تەنها بزووتنەوەی گۆڕان و کۆمەڵى ئیسلامی لە گەڵ ئەوەدا نین بەشداری لەو کۆمیتەیە بکەن و مەرجیان هەیە، گوتیشی: " بزووتنەوەی گۆڕان خۆی لە پرسی ریفراندۆم دەدزێتەوە و پاساو دەهێنێتەوە، بۆیە دەیەوێت بەهەر جۆرێک بێت خۆی لەو پرسە لابدات و ئیستاش دەستەیەکی فشاریایان درووست كردووه‌ بۆ ئه‌وه‌ىی لە پارتی و پرۆژەی ریفراندۆم دوورى بخه‌نه‌وه‌".

ئه‌و سه‌ركرده‌یه‌ی پارتى، گوتیشی :" گۆڕان پێی ناخۆشە پارتی و یەکێتی بەیەکەوەن و دەیه‌وێت پەیامێک بداته‌ یەکێتی و پێی بڵێت بەبێ رێککەوتنی نێوانمان دۆخی سیاسیتان، خراپ دەبێت".







باسنیوز