قایمقامی شنگال ره‌خنه‌ له‌ هه‌ڵوێستی ئه‌مه‌ریكا و هاوپه‌یمانان ده‌گرێت و ئاماژه‌ بۆ ئه‌وه‌ ده‌كات كه‌ ماوه‌ی چه‌ند ساڵه‌ ئه‌وه‌یان راگه‌یه‌ندووه‌ كه‌ مانه‌وه‌ی په‌كه‌كه‌ له‌ شنگال مه‌ترسییه‌، به‌ڵام لایه‌نه‌كان كه‌مته‌رخه‌م بوونه‌.

مه‌حما خه‌لیل، قایمقامی شه‌نگال رایگه‌یاند: "به‌داخه‌وه‌ چه‌ند ساڵه‌ ئاگاداری هاوپه‌یمانان و ئه‌مه‌ریكا له‌وه‌ ئاگادار ده‌یكه‌نه‌وه‌ كه‌ پێویسته‌ په‌كه‌كه‌ شه‌نگال چۆڵ بكات".

قایمقامی شنگال، ئه‌وه‌شی روون كرده‌وه‌: "په‌كه‌كه‌ شنگالی چۆڵ نه‌كرد، ئه‌وه‌ی لێ كه‌وته‌وه‌ بینیمیان، بۆیه‌ ده‌بێت ئیداره‌ی ئه‌مه‌ریكا ببینین و به‌راشكاوانه‌ قسه‌ی خۆمان بكه‌ین، كه‌ ناكرێت دۆخی شنگال به‌و شێوه‌ بمێنێته‌وه‌، ده‌بێت ئه‌مه‌ریكا و هاوپه‌یمانان به‌جددی بێنه‌ سه‌رخه‌ت و قسه‌ی خۆیان له‌و باره‌وه‌ بكه‌ن، بۆ ئه‌وه‌ی په‌كه‌كه‌ له‌ شه‌نگال وه‌ده‌رنێن".

گوتیشی: "ره‌نگه‌ به‌ مانه‌وه‌ی په‌كه‌كه‌ پاساو به‌ توركیا بدرێت بۆ به‌رده‌وام بوون له‌ بۆردومانی شنگال".







باسنیوز