نەجمەدین كەریم پارێزگاری كەركووك رایگەیاند ساڵانە لە پشكی نەوت ١٠ ملیۆن دۆلار لە هەرێمی كوردستان وەردەگرن. ئەمساڵیش پارێزگەی كەركووك تا ئێستە هیچ بڕە پارەیەكیان لە حكومەتی فیدراڵ وەرنەگرتووە.


نەجمەدین كەریم لە پەراوێزی كردنەوەی قوتابخانەیەك لە شاری كەركووك گوتی بۆ ئەو پڕۆژانەی كە لەو پارێزگایە جێبەجێ دەكرێن پشتیان بەستووە بەو ١٠ ملیۆن دۆلارەی كە ساڵانە لە پشكی داهاتی پتڕۆ دۆلار لە هەرێمی كوردستان وەریدەگرن.


پارێزگاری كەركووك گوتیشی لە میانی ئەمساڵدا، تاوەكو ئێستە هیچ بوودجەیەكیان لە حكوومەتی فیدراڵ بەدەست نەگەیشتووە و ئەوەی بۆ جێبەجێكردنی پڕۆژەكان لە پارێزگاكەیان خەرجی دەكەن لەو ١٠ ملیۆن دۆلارەیە كە لە چوارچێوەی داهاتەكانی پتڕۆ دۆلار لە هەرێمی كوردستان وەریدەگرن.

bas news-