بەرپرسێ راگەھاندنێ فەرماندا پێشمەرگەی کوردستانێ ل شنگال، دیارکر کو بۆمبەکا چاندی یا رێکخراوا تێرۆرستێن داعش، ل گۆندی سکینیێ رۆژئاڤایێ شنگال ب سێ کەسان ڤە ھاتە پەقاندن دئەنجامدا دوو کەسان گیانێ خوە ژ دەستدان ئێکی دێ ب سەختی بریندار بوویە بۆ نەخۆشخانێن دھۆک ھاتە رەوانەکرن.



خەلیل شڤان، بەرپرسێ راگەھاندنێ فەرماندا پێشمەرگەی کوردستانێ ل شنگال، "ئەڤرۆ 23/4/2017 ل دەمژمیر 12 نێڤرۆ بۆمبەکا چاندی یا تیرۆرستان ب سێ وەلاتیان ڤە ھاتە پەقاندن ب مخابنی ڤە دوو کەسان ژ وان گیانی خوە ژدەستدان یێ دیتر ژێ برینداربوویە ئەڤ روودانا ل گۆندی سکینێی یا گریدایێ ناوچەداریێا گرعزیرَێ ل رۆژئاڤایێ شنگال چیبوویە".



خۆیا ژی کر: "بەری ھەیامەکێ ژی بۆمبەکا چاندی یا تیرۆرستان ب ھندەک وەلاتیان ڤە ھاتیە پەقاندن ئەم داخازی ژ خەلکێ خوە دکەن سەرا وان جە ودەڤەران نەدەن یێن ھیشتا تەمامی نەھاتێنە پاقژکرن".

bas news-