ڕۆژنامەنوسێکی ڕۆژئاوای کوردستان و مامۆستای زانکۆ ڕایدەگەیەنێت، ڕۆژنامەنوسانی ڕۆژئاوای کوردستان بەھۆی بوونی چەکدارانی سەر بە پارتی یەکێتی دیموکراتی (پەیەدە)ی باڵی پارتی کرێکارانی کوردستان (پەکەکە) لە رۆژئاوای کوردستان گوشاریان لەسەرە و ناتوانن بە ئازادی کارەکانیان بکەن.

ڕەزوان بادینی، ڕۆژنامەنوسی ڕۆژئاوای کوردستان و مامۆستای زانکۆی سەڵاحەدین لە یادی 119 ساڵەی دەرچوونی یەکەم رۆژنامەی کوردی، ڕایگەیاند: "بەگشتی ڕەوشی ڕۆژئاوای کوردستان ڕوون نییە و توندوتیژی زۆر ھەیە، ھەروەھا بوونی چەند لایەنێکی چەکدار لەو ناوچانەدا، گوشارێکی زۆریان لەسەر ڕۆژنامەنوسانی ڕۆژئاوای کوردستان دروست کردووە، ”ڕۆژنامەنوسان و میدیاکاران ناتوانن بە ئازادی ڕاپۆرت و ڕێپۆرتاژەکانیان بکەن و بڵاوی بکەنەوە".

رەزوان بادینی بە ئاماژەکردن بەوەی نایەوێ ”بەشێوەیەکی ڕاستەوخۆ“ لەسەر پەکەکە و پەیەدە قسە بکات، رایگەیاند، ئەو حزبانە ”سیاسەت و نیەتیان جیاوازە“ و هەرچەندە بەردەوام هەوڵی کۆتوبەندکردنی رۆژنامەنووساندەدەن، بەڵام ”ناتوانن ھەموو دەرگاکان بەڕووی ڕۆژنامەنوساندا دابخەن و ڕۆژنامەنوسان ببەستنەوە و مافیان قۆرخ بکەن".


ئەو ڕۆژنامەنوسەی ڕۆژئاوای کوردستان پێشیوایە، ئەو بارودۆخەی ئێستا لە ڕۆژئاوای کوردستان دروست بووە ”ھەروا بەردەوام نابێت“.














باسنیوز