وا بریارە سبەی پێنچشەممە کاتژمێر ٣ی ئێوارە دوا ھەفتەی یارییەکانی خولی نایابی پێشمەرگەی کوردستان بۆ تۆپی پێی ئەنجام دەدرێت و ھەریەکە لە یانەکانی (پێشمەرگەی ھەولێر، کەرکووک، نەورۆز) رکابەری لەسەر نازناوەکە دەکەن و چانسی یانەکان بەمشێوەیە:


- یانەی پێشمەرگەی ھەولێر
- پێشمەرگەی ھەولێر لە یارییەکەی بەرانبەر یانەی کەرکووک بەھەر ئەنجامێک سەرکەوتن بە دەستبھێنێت ئەوە راستەوخۆ دەبێتە پاڵەوانی خولەکە.
- ئەگەر پێشمەرگەی ھەولێر یەکسانبوو و یانەی نەورۆز بەرانبەر شێروانە تووشی دۆران یان یەکسانبوو ھات ئەوە دەبێتە پاڵەوانی خولەکە.
- ئەگەر پێشمەرگەی ھەولێر بەھەر ئەنجامێک بدۆرێت ئەوە نازناوەکە لە دەست دەدات.
- ئەگەر پێشمەرگەی ھەولێر یەکسانبوو و یانەی نەورۆز لە یانەی شێروانەی بردەوە ئەوە پێشمەرگەی ھەولێر نازناوە لە دەست دەدات.

- یانەی کەرکووک
- کەرکووک لە یارییەکەی بەرانبەر یانەی پێشمەرگەی ھەولێر بەھەر ئەنجامێک سەرکەوتن بە دەستبھێنێت ئەوە راستەوخۆ دەبێتە پاڵەوانی خولەکە.
- ئەگەر کەرکووک بەھەر ئەنجامێک بدۆرێت ئەوە نازناوەکە لە دەست دەدات.

- یانەی نەورۆز
- یانەی نەورۆز لە یارییەکەی بەرانبەر شێروانە تەنیا پێویستی بە بردنەوە ھەیە و دەبێت یاری نێوان ھەردوو یانەی کەرکووک و پێشمەرگەی ھەولێر یەکسان بن تا ببێتە پاڵەوانی خولەکە.
- یانەی نەورۆز بەھەر ئەنجامێک تووشی دۆران بێت یان یەکسان بێت ئەوەی نازناوەکە لە دەست دەدات.
- ئەگەر یانەی نەورۆز لە یانەی شێروانە بباتەوە، لە یارییەکەی کەرکووک و پێشمەرگەی ھەولێر ھەر کام یانە سەرکەوتن بە دەستبھێنێت ئەوە نەورۆز نازناوەکە لە دەست دەدات.

- یانەی شێروانە
شێروانە بەفەرمی لە دەرەوەی رکابەری بە دەستھێنانی نازناوی خولی نایابی پێشمەرگەی کوردستانە ئەگەر لە یاری بەرانبەر نەورۆز بەھەر ئەنجامێک سەرکەوتوو بێت ئەوە چانسی بردنەوەی نابێت.
payamner-