ئەمڕۆ چوارشەممە، لە ڕاگەیەندراوێکدا لقی سلێمانی سەندیکای رۆژنامەنووسانی کوردستان، ئاماژە بەوە دەدات کە بەبۆنەی ساڵڕۆژی رۆژنامەگەری کوردی، دیاری دەبەخشێتە رۆژنامەنووسان و پێنج کتێبیش بۆ کەناڵەکان دەکاتە دیاری.

ئەمڕۆ چوارشەممە 19/4/2017 لقی سەندیکای رۆژنامەنووسانی کوردستان، لە راگەیەندراوێک، تێدا ھاتووە: "بەبۆنەی 119 ھەمین ساڵڕۆژی رۆژنامەگەری کوردییەوە، لقی سلێمانی سەندیکای رۆژنامەنووسانی کوردستان، وێڕای پیرۆزبایی گەرم لە سەرجەم رۆژنامەنووسانی ھەر چوار پارچەی کوردستان و میدیاکارانی سنووری لقەکەیان، بڕیارە لە رۆژی شەممە 22/4/2017 کاتژمێر 10:00 ی سەرلەبەیانییەوە تا کاتژمێر 3:00ی پاشنیوەڕۆ لەبارەگای لق، پێشوازی لە رۆژنامەنووسان بکات، ھاوکات لقی سلێمانی سەندیکای رۆژنامەنووسان، ئێلەک و کتێبی بە دیاری بۆ رۆژنامەنووسان ئامادەی کردووە دەیبەخشێت".

لقی سەندیکای سلێمانی، ئەوەش خستوەتەڕوو: "داواکارین لەو یادەدا نوێنەری سەرجەم کەناڵەکان سەردانمان بکەن بۆ وەرگرتنی ئەو ئێلەکانەی کە پێشتر ناو و ژمارەکانیان بۆ ناردبووین، ھاوکات جگە لە ئێلەکەکان بۆ ھەر کەناڵێک 5 پێنج کتێبمان ئامادە کردووە کە لقی سلێمانی چاپی کردوون".








باسنیوز