لەسەر پێشنیاری بەشی پۆلیسی فریاکەوتن‌و بەمەبەستی دووبارە ڕێکخستنەوەو مەشقی سەربازیی، خولێکی مەشق‌و ڕاھێنان بۆ بەشی پۆلیسی فریاکەوتنی سلێمانی کرایەوە.



بەڕێوەبەرایەتیی پۆلیسی سلێمانی، لە ڕاگەیەندراوێکدا ئەوە دەخاتەڕوو: "ئەمڕۆ سێشەممە 18/4/2017 بەمەبەستی دووبارە ڕێکخستنەوەو مەشقی سەربازیی، خولێکی مەشق‌و ڕاھێنان بۆ بەشی پۆلیسی فریاکەوتنی سلێمانی کرایەوە، لەخولەکەدا چەندین وانەی تایبەت سەبارەت بەچۆنیەتی مامەڵەکردنی دروست لەگەڵ تۆمەتبار و پاراستنی بەندەکانی مافی مرۆڤ و مامەڵەی دروست لەگەڵ ھاووڵاتیاندا لەلایەن چەند مامۆستایەکی پسپۆرەوە دەگوترێتەوە".



لە راگەیەندراوەکە، باس لەوەش کراوە: "خولەکە چەند ڕۆژێک بەردەوام دەبێت‌و زیاتر لە 260 کارمەندی بەشی پۆلیسی فریاکەوتن ‌و چەند بەشێکی تر تێیدا بەشداری دەکەن".
bas news-