ئەندامێکی مەکتەبی سیاسیی بزووتنەوەی ئیسلامی کوردستان ئاماژە بەوە دەکات لەپێناو یەکڕیزیی ناو ماڵی ئیسلامییەکان ئامادەییان هەیە خۆیان هەڵوەشێننەوە و دەڵێت: "داوا کراوە سێ حزبە ئیسلامییەکە یەک بگرنەوە".

عەبدوڵا وەرتی، ئەندامی مەکتەبی سیاسی بزووتنەوەی ئیسلامیی کوردستان، ڕاگەیاند: "هەندێک خەڵکی ئیسلامی پێشنیاریان کردووە کە حزبە ئیسلامییەکان هەڵوەشێنرێنەوە و حزبێکی نوێ دروست بکرێت، گوتی: "یەکێک لە ئامانجەکانی ئەو پرۆژە یەکخستنەوەی حزبە ئیسلامییەکانە لەژێر یەک ناونیشان و دروشمدا، بەڵام ئایا ئەو ئامانجە جێبەجێ دەکرێت؟ بۆیە وەک بزووتنەوە ئامادەیمان دەربریوە بۆ یەکگرتن لەگەڵ کۆمەڵ و یەکگرتوو لەپێناو ئەوەی ئیسلامییەکان ببنە یەک حزب و ئامادەیمان هەبووە خۆمان هەڵوەشێنینەوە".

ئەوەشی خستەڕوو، چاوەڕوانی کۆبوونەوەی داهاتووی لایەنە ئیسلامییەکان دەکەین بۆ ئەوەی هەڵوێستیان لەسەر ئەو پرسانە ڕوون ببێتەوە.







باسنیوز