له‌ ئه‌نجامى وه‌رگه‌ڕانى ئۆتۆمبیلێكى جۆرى نیسان له‌سه‌ر ڕێگاى ده‌ربه‌ندیخان_ سلێمانى، دوو هاووڵاتى دانیشتووى شارۆچكه‌ى ده‌ربه‌ندیخان، گیانیان له‌ده‌ست دا.

نه‌خۆشخانه‌ى گشتى شه‌هید تۆفیق له‌ ده‌ربه‌ندیخان، ڕای گه‌یاند :" کاتژمێژ 2:40 خوله‌كى ئەمڕۆ (شه‌مه‌ 15ى 4ى 2017) لەسەرڕێگای دەربەندیخان_ سلێمانى له‌ نزیك گوندی سیارە ئۆتۆمبیلێك وه‌رگه‌ڕا".

ئۆتۆمبیله‌كه‌ له‌ جۆرى نیسان سدركه‌ و دوو كه‌سى تیادا بوو.

له‌ ئه‌نجامى ڕووداوه‌كه‌ش دوو ھاووڵاتی گیانیان لەدەست دا كه‌ هه‌ردووكیان دانیشتووى شارۆچكه‌ى ده‌ربه‌ندیخانن.







باسنيوز