سێ گەنجی کوردی خەڵکی شاری (دێهلوڕان)ی سەر بە پارێزگای ئیسلام بە بڕیاری دادگای ئەو شارە، مەسینەیان لە مل کراوە و هاوکات نووسراوێکیان بە بەر سینگیاندا هوڵواسیوە و بەناو شاردا گەڕاندوویانن و سووکایەتییان پێ کردوون.

بەپێی ڕاپۆرتی ماڵپەڕی مافی مرۆڤی (هەنگاو)، دوێنێ چوارشەممە 2017 /4/ 13/12 سێ گەنجی کوردی خەڵکی ساری دێهلوڕان لە پارێزگای ئیلام بە بیانووی (لات و شەڕئەنگێز) بە بڕیاری دادگای ئەو شارە مەسینەیان لە مل کراوە و سەریان تاوشیون وێڕای گەڕاندن بەناو شاردا سووکایەتیشیان پێ کراوە.

ئەو کارە بە بڕیاری دادگا و لەلایەن پۆلیسەوە جێبەجێ کراوە.

ئەو سێ هاووڵاتییە کوردە بە تۆمەتگەلی وەک "شەڕەنگێزی، خەڵک ڕفاندن، چەقۆکێشی) ئەو حوکمەیان بەسەدا سەپێنراوە.

دادوەری دادگای کۆماری ئیسلامیی ئێران بەمەستی ئەوەی کە بە (تەمبێ و پەندوەرگرتن"ی کەسانی لادەر لە یاسا و تاوانبار دەیناسێنێ، سزای پڕ لە سووکایەتیی (مەسینە لەملکردن) و گەڕان بەناو شار و شوێنە گشتییەکان، یان سوارکردنی کەری بەسەردا سەپاندوون".

بەپێی مادەی 618ی یاسای سزادانی ئیران، ئەو کەسانەی کە هێرش دەکەنە سەر خەڵک، یان هەڵسوکەوتی نابەجێ ئەنجام دەدەن و سەقامگیریی خەڵک و کۆمەڵگە دەشێوێنن، دەبێ تازیانەیان لێ بدرێت و بەند بکرێن، بۆیە لە هیچ دەقێکێ سزاداندا سووکایەتیکردن بە تۆمەتبار بە شێوەی مەسینە لە ملکردن و گەڕانی بەناو شاردا نەهاتووە.













باسنيوز