سەرۆکی فراکسیۆنی پارتی دیموکراتیی کوردستان لە ئەنجومەنی نوێنەرانی عێراق ئاشکرای کرد، لە ئاندەیەکی نزیکدا دوو کۆمیتە بە ڕاوێژ لەگەڵ لایەنەکانی کوردستان پێک دەهێندرێت.

د.عەرەفات کەرەم، سەرۆکی فراکسیۆنی پارتی لە پەرلەمانی عێراق، بۆ (باسنیوز) ئاشکرای کرد: "ئەو کۆمیتەیەی بڕیارە بۆ ڕیفراندۆم دروست بکرێ، حەوت ئەندام دەبن کە ئەگەری بەھێز ئەوەیە پێنج حزبەکە و تورکمانێک و ئاشوورییەک تێیدا ئەندام بن، کاتێکیش ھاتنە بەغدا، لەوێ لەگەڵ سەرۆک وەزیرانی عێراق و سەرۆکی ئەنجومەنی نوێنەرانی و سەرۆک کۆماری عێراق و ھێزە سیاسییەکان کۆدەبنەوە“.

ئەوەشی خستە ڕوو، دوای سەردانی شاندی ھاوبەشی پارتی و یەکێتی بۆ لای لایەنەکان، بڕیارە ئەو شاندە دروست بکرێت و لەماوەیەکی کەمدا دەست بکات بەکارەکانی خۆی بکات.
bas news-