دەزگای خێرخوازیی بارزانی هاوکاریی 400 خێزانیبێ باوک لە سنووری شارۆچکەی مێرگەسۆر لە پارێزگای هەولێر دەکات.

بەپێی راگەیەندراوێکی دەزگای خێرخوازیی بارزانی، رۆژی سێشەممە 11.4.2017، دەزگاکە هاوکاریی بەسەر 400 خێزانی سنووری دەڤەری بارزان و شارۆچکەی مێرگەسۆر دابەش دەکات.

ئەو خێزانانەی هاوکارییەکە ئەو خێزانانەی گرتووەتەوە، کە کەمدەرامەت یان بێ باوک بوون.

جگە لە هاوکاریکردنی منداڵانی بێ باوک و کەمدەرامەتانی کوردستان، دەزگای خێرخوازیی بارزانی بەردەوام هاوکاریی ئاوارەکان و قوربانییانی شەڕی تائیفیی عێراق و داگیرکاریی رێکخراوی تیرۆریستی داعش دەکات، کە ئاوارەی هەرێمی کوردستان و ناوچەکانی ژێر دەسەڵاتی هێزی پێشمەرگەی کوردستان بوون.

بەهۆی شەڕی تائیفی و داگیرکاریی داعشەوە، وەک بەرپرسانی باڵای حکوومەتی هەرێمی کورداستان باسی دەکەن، نزیکەی 2.5 ملیۆن هاووڵاتیی عێراق ئاوارەی هەرێمی کوردستان بوون.

ئەو ئاوارانە بوونەتە بارگرانییەکی زۆر بەسەر گەل و حکوومەتی هەرێمی کوردستان، لە کاتێکدا حکوومەتی عێراق لە ساڵی 2013ـەوە بەشەبودجەی کوردستانی بڕیوە و هەرێمی کوردستان رووبەڕووی قەیرانێکی سەختی دارایی بووەتەوە.







باسنیوز